വിഘ്നേശ് ശിവന് എന്ന സംവിധായകനില് നിന്നും ലഭിച്ച ഒരു മുഴുനീള എന്റര്ടൈനര്, നയന്താരയുടെ തുടര്ച്ചയായ വിജയ ചിത്രം, വിജയ് സേതുപതിയുടെ മോശമല്ലാത്ത പ്രകടനം, തമാശ നിറഞ്ഞ പ്രതികാരം, ബോറടിപ്പിക്കാത്ത അവതരണം, അങ്ങനെ പ്രേക്ഷകനോട് നീതി പുലര്ത്തിയ ഒരു ചിത്രം. അതാണ് നാനും റൗഡി താന്. തമിഴ് സിനിമ ലോകത്തെ വമ്പന് ചിത്രങ്ങള്ക്ക് സമാന്തരമായി സഞ്ചരിച്ച് വിപ്ലവം തീര്ക്കുന്ന ചെറു ചിത്രങ്ങളുടെ പട്ടികയില് ഈ സിനിമയേയും ഉള്പ്പെടുത്താം.
തമിഴ് സിനിമ ലോകത്ത് വിപ്ലവങ്ങള് ആദ്യമായല്ല. വമ്പന് ചിത്രങ്ങള്ക്ക് സമാന്തരമായി സഞ്ചരിക്കാനും വിപ്ലവം തീര്ക്കാനും, വിജയം കൊയ്യാനും എന്നും ഇത്തരം ചിത്രങ്ങല്ക്ക് കഴിയാറുണ്ട്. വിഘ്നേശ് ശിവന് എന്ന സംവിധായകന് തന്നെ തിരക്കഥയും ഒരുക്രകിയിരിക്കുന്ന ചിത്രം പറയുന്നത് പറഞ്ഞു പഴകിയ പ്രമേയം തന്നെയാണ്. പ്രതികാരം. അച്ഛനേയും അമ്മയേയും കൊന്നയാളിനോട് പ്രതികാരം ചോദിക്കാന് മക്കള് ഇറങ്ങിത്തിരിക്കുന്ന പഴയ പ്രമേയം. പ്രതികാരവുമായി ഇറങ്ങുന്ന നായകനോ നായികയ്ക്കോ കൂട്ടായി മറ്റൊള് രൂടെ എത്തുന്നതോടെ സിനിമ ട്രാക്കിലാകും. അപ്പോള് പിന്നെ പ്രതികാരത്തിന് സമാന്തരമായി ഒരു പ്രണയവും ഉണ്ടാകുമല്ലോ. പിന്നെയുള്ള പ്രതികാരം ഇരുവരും ഒന്നിച്ച്. പ്രതികാരം ചെയ്യുന്നു, പ്രണയം പൂവണിയുന്നു. ചിത്രം ശുഭപര്യവസാനിയാകുന്നു. സംഭവമൊക്കെ അത് തന്നെ. പക്,#െ ഇവിടെ ചിത്രത്തെ സംവിധായകനും തിരക്കഥാകൃത്തുമായ വിഘ്നേശ് ശിവന് സമീപിച്ചിരിക്കുന്ന വ്യത്യസ്തമായ രീതിയാണ് ഈ ചിത്രത്തെ വേറിട്ടതാക്കുന്നത്. കോമഡിയാമ് ചിത്രത്തിന്രെ ട്രാക്ക്. പ്രതികാരമെങ്ങനെ കോമഡിയില് പൊതിയുമെന്ന സംശയം തോന്നുന്നത് സ്വാഭാവികം. പക്ഷെ ഇവിടെ സംവിധായകന് ചിന്തിച്ചത് പ്രേക്ഷകനെക്കുറിച്ച് മാത്രമാണ്. ചിരിപ്പിക്കുക, എല്ലാ സന്ദര്ഭങ്ങളിലും ചിരി നിറയ്ക്കുക. അസാധാരണമായ സന്ദര്ഭങ്ങളില് പോലും പ്രേക്ഷകനെ ചിരിപ്പിക്കാന് സംവിധായകനും തിരക്കഥാകൃത്തിനും കഴിയുന്നുണ്ട്. ഹാസ്യത്തിന് പ്രേക്ഷകന് എത്രത്തോളം പ്രാധാന്യം നല്കുന്ന ുണ്ടെന്ന തിരിച്ചറിവാണ് ഈ സിനിമയെ തീയ്യേറ്ററുകളില് ഇത്ര ജനപ്രിയമാക്കുന്നത്. ഓരോ ഡയലോഗുകളിലും ഓരോ സാഹചര്യങ്ങളിലും ട്രാക്ക് കാത്തു സൂക്ഷിക്കാന് തിരക്കഥാകാരന് കഴിയുന്നുണ്ട്. യുക്തി മാറ്റി നിര്ത്തിയാല് തിരക്കഥാകാരന് മുഴുവന് മാര്ക്കും നല്കേണ്ടി വരും. സിനിമകള് മുഴുവന് യുക്തി ഭദ്രമായാല് പിന്നെ എന്ത് രസം. സംവിധായകന്റെ അവതരണ രീതിയും, മേക്കിംഗും മോശമാക്കിയില്ല. പരീക്ഷണ ചിത്രമെന്ന ഗണത്തില് നോക്കിയാല് ഇത് പരീക്ഷിച്ച് വിജയിച്ച ചിത്രമാണ്. ഇതൊരു ടീം വര്ക്കിന്റെ മികവ് കണ്ട ചിത്രം കൂടിയാണ്. നയന്താര ഒഴികെ വെള്ളിത്തിരയിലെത്തിയ താരങ്ങളാരും സൂപ്പര് സ്റ്റാറുകളോ തമിഴകത്ത് വന് ആരാധക പിന്തുണ ഉള്ളവരോ അല്ല. ടെക്നിക്കല് ടീമും അങ്ങനെ തന്നെ.
സാധാരണ പ്രേക്ഷകന്റെ കടിഞ്ഞാണ് പൂര്ണ്ണമായും തിരക്കഥാകരാനും സംവിധായകനും നിയന്ത്രിച്ച ഒരു ചിത്രമാണ് നാനും റൗഡി താന്. പ്രതികാര കഥയിലെ തമാശകള് അസാധാരണമായും സാധാരണമായും അവതരിപ്പിക്കുമ്പോള് അത് പ്രേക്ഷകന് എങ്ങനെ രസിക്കുമെന്നും അണിയറക്കാര്ക്ക് നന്നായറിയാമായിരുന്നു. എല്ലാത്തരം പ്രേക്ഷകരേയും രസിപ്പിക്കുന്ന അവതരണവും, ചെറിയ, എന്നാല് വ്യത്യസ്തമായ ആഖ്യാനരീതിയും കൊണ്ട് പരീക്ഷണങ്ങള് ഇഷ്ടപ്പെടുന്നവര്ക്ക് നാനും റൗഡി താന് ഒരു വിരുന്നു തന്നെയാണ്.
ആകാരം കൊണ്ടോ ശബ്ദം കൊണ്ടോ രൂപം കൊണ്ടോ ഒരു നായകന്റെ ഭാവങ്ങളില്ലാത്ത വിജയ് സേതുപതിയുടെ പാണ്ഡ്യന് ഈ ചിത്രത്തില് ഒരു ചിരിക്കുടുക്കയായിരുന്നു. കീ കൊടുത്താല് ചിരിക്കുന് പാവ പോലെ വിജയ് വായ തുറന്നാല് പ്രേക്ഷകന് ചിരിക്കും, വിജയ് സേതുപതി എന്ത് ചെയ്താലും അത് മണ്ടത്തരമായിരിക്കും അപ്പോഴും പ്രേക്ഷകന് ചിരിക്കും. ഈ ചിരിയാണ് സംവിധായകന് ആഗ്രഹിച്ചതും. അത് ഭംഗിയാക്കാന് വിജയ് സേതുപതിയ്ക്കായി. തമിഴിലെ ചില പരീക്ഷണ ചിത്രങ്ങളുടെ ഭാഗമായി പ്രേക്ഷകര്ക്ക് പ്രിയ്യങ്കരനായ വിജയ് സേതുപകി ഇവിടേയും പ്രേക്ഷകനെ രസിപ്പിച്ചു. മടുപ്പിച്ചതുമില്ല. തമിഴില് തുടര്ച്ചയായ മൂന്നാം വിജയം സ്വന്തമാക്കിയ നയന്താരയുടെ പ്രകടനം മികച്ചു നിന്നു. നായികയ്ക്കും പ്രാധാന്യമുള്ള കഥാപ്രാത്രങ്ങല് തെരഞ്ഞെടുക്കുന്നതില് നയന്താര സ്രദ്ധിക്കുന്നു എന്നതിന്റെ തെളിവാമ് തനി ഒരുവനും മായയ്ക്കും പിനാനാലെയെത്തിയ ഈ ചിത്രത്തിലെ കാദംബരി എന്ന കതാപാത്രം. നായകന്രെ നിഴലില് നില്ക്കാന് മാത്രമല്ല നായകനെ പ്രണയിക്കാന് മാത്രമുള്ളതല്ല നായിക എന്ന് നയന്താര ഈ ചിത്രത്തിലൂടെ ഒരിക്കല് കൂടി തെളിയിച്ചിരിക്കുന്നു. കാത് കേല്ക്കാത്ത എന്നാല് സംസാരിക്കുന്ന ആളിന്റെ ചുണ്ടനക്കം നോക്കി കാര്യങ്ങള് മനസിലാക്കി പ്രതികരിക്കുന്ന കാദംബരി ആദ്യം അത്ഭുതമായെങ്കിലും വേഗം പ്രേക്ഷകന് കാദംബരിയെ അംഗീകരിച്ചു. നയന്സിന്രെ പ്രകടനം അത്രത്തോളം മികവാര്ന്നതായിരുന്നു എന്നു ചുരുക്കം. ചിത്രത്തിന് വേണ്ട ഭാവങ്ങളത്രയും നയന്താരയുടെ മുഖത്ത് പല സമയത്തായി തെളിഞ്ഞു. സ്ക്രീനിലെത്തിയ ബാക്കി താരങ്ങളും മോശമാക്കിയില്ല. ചിരിപ്പടക്കത്തിന് തിരികൊളുത്തിയ അവരെല്ലാവരും ചേര്ന്ന് തീയ്യേറ്ററുകലെ ആവേശത്തിലാക്കി. അനിരുദ്ധിന്രെ സംഗീതം ചിത്രത്തിന് മാറ്റ് കൂട്ടി. അനാവശ്യത്തിനുപയോഗിക്കാനുള്ളതല്ല, മറിച്ച് പ്രേക്ഷകന് രസിക്കുന്ന തരത്തില് ആവശ്യമുള്ളിടത്ത് ആവശ്യത്തിന് മാത്രം ഉപയോഗിക്കതേണ്ടതാണ് സംഗീതമെന്ന് അനിരുദ്ധ് പറഞ്ഞു വച്ചു. ജോര്ജ്ജ് സി വില്ല്യംസിന്രെ ക്യാമറയും മോശമാക്കിയില്ല. പോണ്ടിച്ചേരിയും ചെന്നൈയും തമിഴ്നാടിന്രെ തനിമയും ചിത്രത്തിലെത്തിക്കുന്നതിവ് ജോര്ജ്ജ് സി വില്ല്യംസ് വിജയിച്ചു. ചിത്രസംയോജനത്തില് അത്ഭുതങ്ങളൊന്നും കാ#ോ#്ടിയില്ലെഹ്കിലും ഇവിടെയും ശ്രീകര് പ്രസാദിന്രെ പ്രതിഭ തെളിഞ്ഞു കമ്ടു. ബ്ലാക്ക് കോമഡിയെന്ന ഗണം ഇന്ത്യന് സിനിമ അമഗീകരിച്ചു തുടങഅഹിയിട്ട് അധികമായിട്ടില്ല. അത് ഏറ്റവുമധികം തരംഗമായതാകട്ടെ തമിഴകത്തും. ഇതും അങ്ങനെ ഒരു ചിത്രമാണെങ്കില് കറുത്ത ബാല്യത്തിനും ഇവിടെ പ്രേക്ഷകരുണ്ടന്നന് ഈ സിനിമയുടെ ജനപ്രീതി തെളിയിക്കുന്നു.
ഹോളിവുഡിനോട് കിടപിടിക്കുന്നതൊന്നുമല്ലെങ്കിലും പരീക്ഷണങ്ങള്ക്ക് തമിഴ് സിനിമ ലോകത്ത് പഞ്ഞമില്ല. കോടികള് മുടക്കി തീയ്യേറ്ററില് പാരാജയപ്പെടുന്ന സൂപ്പര്സ്റ്രാര് ചിത്രങ്ങളല്ല. മറിച്ച് അവതരണത്തിലും പ്രമേയത്തിലും പ്രേക്ഷകനോട് അടുത്തു നില്ക്കുന്ന ചെറു വിപ്ലവ സിനിമകള്. ആ പരീക്ഷണങ്ങളില് മിക്കതും വിജയങ്ങളുമായിരുന്നു. അതാണ് ചലച്ചിത്ര ലോകം ആവശ്യപ്പെടുന്നതും. കോടികള് മുടക്കി പൊട്ടിക്കുന്ന പടക്കങ്ങളല്ല, മറിച്ച് നല്ല സിനിമകളെയാണ്, ആസ്വാദ്യകരമായ സിനിമകളെയാമ് പ്രേക്ഷകന് ആവശ്യം. അത് കിട്ടിയാല് അത് വിപ്ലവമായാലും, പരീക്ഷണമായാലും പ്രേക്ഷകന് അംഗീകരിക്കുമെന്നുറപ്പ്. അതിന് തെളിവാണ് നാനും റൗഡിതാന്.
No comments:
Post a Comment